Misioni dhe vizioni i SHPPAT përputhen me nevojat reale të profesionistëve të cilët operojnë në tregun shqiptar, por edhe të atyre që duan të nisin rishtas këtë rrugë. Ndaj, ka tërhequr vëmendjen e profesionistëve në fushat e estetikës, parukerisë, grimit, kujdesit ndaj thonjve, dhe të gjithë fushave që u dedikohen së bukurës dhe kujdesit ndaj trupit, apo edhe përfaqësues të Arsimit dhe Formimit Profesional, politikëbërës profesionistë të fushës, ofrues të produkteve, artistë, anëtarë të medias etj. Numri i të anëtarësuarve ka patur rritje të ndjeshme, nga individë të cilët duan të jenë protagonistë në këtë hallkë teë zinxhirit kaq të rëndësishëm të shërbimeve të ekonomisë shqiptare.